Foto: ashyq derekkóz
Amerikadaǵy sailaý búkil dúnie júzin ózine qaratyp, kóptiń kókeiine “endi álemde qandai ózgeris” bolady degen suraqty uialatty. ULT.KZ tilshisi osy suraq tóńireginde saiasattanýshy Tolǵanai Úmbetálievanyń oiyn bildi.
“Fox News Decision Desk” jobasynyń habarlaýynsha, Donald Tramp vitse-prezident Kamala Harristi basym daýyspen jeńip, Aq úide ekinshi ret bilik etedi. Bul týraly «Fox News» óz boljamdaryna súiene otyryp habarlady.
Álem elderiniń jetekshileri de Trampty quttyqtap áleýmettik jelige jazba jariialaǵan. Aldymen NATO bas hatshysy Mark Riýtte óziniń “X” jelisinde Trampty quttyqtap, onymen kelissózder men yntymaqtastyqqa daiyn ekenin jariialaǵan.
Foto: ǵalamtordan, Tolǵanai Úmbetálieva
- Tolǵanai hanym, AQSh taǵy sailaý álem úshin mańyzdy ekeni belgili. Boljam boiynsha Donald Tramp jeńdi dep jatyr, onyń saiasaty men Kamala Harristiń ustanymynda qandai aiyrmashylyq bar edi?
- "Tramp pen Harris týraly aitatyn bolsaq, árine Tramp Respýblikalyq partiianyń múshesi bolǵandyqtan, onyń ekonomikaǵa qatysty pozitsiiasy myqty. Tramptyń syrtqy saiasatta ózindik ustanymdary bar. Al, Harris menińshe Baidenniń saiasatyn jalǵastyrǵan bolar edi. Tramtyń syrtqy saiasaty da myqty ekenin kórgen edik. Ol Resei siiaqty avtoritarlyq eldermen kelissózder júrgizýge de daiyn bolady. Eýropalyq Odaqpen aradaǵy jylý da Tramptyń ustanymdaryna qaishy. Tramptyń aldyńǵy basqarýynda kórgen edik, Eýropalyq Odaq pen NATO- ǵa eshqandai jeńildikter kórsetpegen. Sol úshin qazir Eýropa elderi qatty qobaljýda. Óitkeni, Tramptyń ustanatyn saiasaty EO -ǵa yńǵaisyz."
- Donald Trapmtyń jeńisi Qazaqstan úshin tiimdi me?
- "AQSh prezidenti Qazaqstannyń syrtqy saiasatyna qatty yqpal etedi dep oilamaimyn. Óitkeni Qasym-Jomart Toqaevtyń ustanymy demokratiialyq el bolǵanymyzdy qalaidy. Degenmen, Tramptyń saiasaty ortalyq Aziia elderin Qytaimen qarym-qatynasty kúsheitkenin qalamaidy."
- Donald Tramptyń Amerikadaǵy migranttarǵa degen kózqarasy oń emes ekenin bilemiz. Bizdiń elden AQSh-qa barǵan azamattarǵa saiasattaǵy ózgeris qiyndyq ákele me?
- "Árine Tramptyń migranttarǵa degen saiasaty qatty. Biraq zańdy jolmen barǵan elimizdiń azamattary eshqandai qiyndyqqa kezdespeidi. Biraq qazirgi tańda AQSh qa Meksika arqyly zańsyz kelýshiler kóp. Olardyń arasynda bizdiń eldiń azamattary da bar. Olarǵa qiyndyq týyndaýy múmkin. Olar qujat jaǵyn, zańdy júrý jolyn qarastyrǵany jón. Harris prezident bolǵan kúnde de zańsyz migranttarǵa qiyndyq týyndaityn edi. Óitkeni zań barlyǵyna birdei."
- Tramp Qazaqstannyń ekonomikasyna yqpal ete me?
- "Amerikanyń Prezidenti munai baǵasyna áser etýi múmkin. Degenmen Qazaqstannyń ekonomikasyna yqpal etedi dep oilamaimyn. Qazir biz kóbine sanktsiialar astyndaǵy Qytai men Resei siiaqty eldermen bailanystamyz. Al, Amerikanyń bizdiń el ekonomikasyna tigizetin ziiany az dep oilaimyn."
Suhbattasqan: Bekbolat Muhtarov
.jpg)