Aǵymdaǵy aptada AQSh prezidenti Donald Tramptyń reitingi ulyqtaý rásimi ótken 20 qańtardan beri eń tómengi mejege deiin tústi.
Bul týraly Reuters/Ipsos áleýmettik saýalnamasynyń málimetterinde aitylýda.
RIA agenttiginiń jazýynsha, Tramp qyzmetine kirisken ýaqytta ony saýalnamaǵa qatysqandardyń 46 paiyzy qoldasa (qoldamaǵany 44 paiyz), juma kúni jariialanǵan zertteý nátijesi boiynsha, prezidenttiń qyzmetine respondentterdiń 38 paiyzynyń ǵana kóńili tolyp otyr. Qarsy pikir bildirgender - 56,2 paiyz (5,8 paiyzy jaýap berý kezinde eki oily boldy).
Zertteý avtorlarynyń atap ótýinshe, Tramptyń reitinginiń quldyraýy onyń óz partiialastary arasyndaǵy bedeliniń tómendeýinen bolyp otyr. Eger ótken aptada onyń qyzmetin respýblikashylardyń 16 paiyzy qoldamasa, qazir - 23 paiyzy.
