Respýblikalyq partiia atynan AQSh prezidenttigine úmitker Donald Tramp demokrattar atynan sailaýǵa túsken Hillari Klintonmen debat barysynda bilikke kelgennen keiin ony túrmege jabýǵa ýáde berdi. Debat jeksenbi kúni 9 qazanda Missýri shtatyndaǵy Sent-Lýis qalasynda ótti, - dep habarlaidy Lenta.ru.
"Sen túrmege qamalasyń", - dep jaýap berdi Tramp, onyń prezident bolýy AQSh úshin paidasyz degen sózdi esti sala.
Tramp jeńiske jetken jaǵdaida Klintonnyń jeke elektrondy poshtasyn qyzmettik maqsatta paidalanýyn tergeitin arnaiy prokýror taǵaiyndaitynyn jetkizdi. Sonymen birge ol qarsylasyn elektrondy poshtasyndaǵy 33 myń elektrondy hatynyń joilyp ketkendigi úshin keshirim suraýyn talap etti.
Bul debatty tamashalaǵan telekóreremenderdiń kóbi jeńisti Klintonǵa berdi.
Al óz kezeginde Tramp Twitter paraqshasyna qoǵamdyq saýalnama boiynsha, ol alǵashqy teledebattarda ózin óte jaqsy kórsetketken dep jazba qaldyrdy.
2015 jyldyń naýryz aiynda Klintonnyń elektrondy poshtasyna qatysty daý týǵan edi. Ol memlekettik hatshy qyzmetinde jeke elektrondy jáshigi arqyly iskerlik hat almasýlar júrgizgen. Keiinirek saiasatker elektrondy hat almasý saqtaityn jeke serverdegi hattardy FTB-ǵa (FBR) tapsyrǵanmen, jeke sipattaǵy hatar boldy degen syltaýmen 30 myńdai hatty joiǵan.
