رەسپۋبليكالىق پارتييا اتىنان اقش پرەزيدەنتتٸگٸنە ٷمٸتكەر دونالد ترامپ دەموكراتتار اتىنان سايلاۋعا تٷسكەن حيللاري كلينتونمەن دەبات بارىسىندا بيلٸككە كەلگەننەن كەيٸن ونى تٷرمەگە جابۋعا ۋەدە بەردٸ. دەبات جەكسەنبٸ كٷنٸ 9 قازاندا ميسسۋري شتاتىنداعى سەنت-لۋيس قالاسىندا ٶتتٸ, - دەپ حابارلايدى Lenta.ru.
"سەن تٷرمەگە قامالاسىڭ", - دەپ جاۋاپ بەردٸ ترامپ, ونىڭ پرەزيدەنت بولۋى اقش ٷشٸن پايداسىز دەگەن سٶزدٸ ەستي سالا.
ترامپ جەڭٸسكە جەتكەن جاعدايدا كلينتوننىڭ جەكە ەلەكتروندى پوشتاسىن قىزمەتتٸك ماقساتتا پايدالانۋىن تەرگەيتٸن ارنايى پروكۋرور تاعايىندايتىنىن جەتكٸزدٸ. سونىمەن بٸرگە ول قارسىلاسىن ەلەكتروندى پوشتاسىنداعى 33 مىڭ ەلەكتروندى حاتىنىڭ جويلىپ كەتكەندٸگٸ ٷشٸن كەشٸرٸم سۇراۋىن تالاپ ەتتٸ.
بۇل دەباتتى تاماشالاعان تەلەكٶرەرەمەندەردٸڭ كٶبٸ جەڭٸستٸ كلينتونعا بەردٸ.
ال ٶز كەزەگٸندە ترامپ Twitter پاراقشاسىنا قوعامدىق ساۋالناما بويىنشا, ول العاشقى تەلەدەباتتاردا ٶزٸن ٶتە جاقسى كٶرسەتكەتكەن دەپ جازبا قالدىردى.
2015 جىلدىڭ ناۋرىز ايىندا كلينتوننىڭ ەلەكتروندى پوشتاسىنا قاتىستى داۋ تۋعان ەدٸ. ول مەملەكەتتٸك حاتشى قىزمەتٸندە جەكە ەلەكتروندى جەشٸگٸ ارقىلى ٸسكەرلٸك حات الماسۋلار جٷرگٸزگەن. كەيٸنٸرەك ساياساتكەر ەلەكتروندى حات الماسۋ ساقتايتىن جەكە سەرۆەردەگٸ حاتتاردى فتب-عا (فبر) تاپسىرعانمەن, جەكە سيپاتتاعى حاتار بولدى دەگەن سىلتاۋمەن 30 مىڭداي حاتتى جويعان.
