AQSh Prezidenti Donald Tramp keler aptada Japoniiada ótetin "Úlken jiyrmalyqtyń" sammitinde Resei prezidenti Vladimir Pýtinmen kezdesetinin aitty. "Reseimen dostasqym keledi", - dedi Fox News arnasyna suhbat bergen Tramp.
Budan buryn, 19 maýsymda Resei prezidentiniń baspasóz hatshysy Dmitrii Peskov Tramp pen Pýtin kezdesýi jaily ázirge eshbir qosymsha aqparat joǵyn aitqan. "Osaka sammitinde ótetin ekijaqty kezdesý kestesi jasalyp jatyr" dedi ol.
Sochide jýrnalister aldynda sóilegen Pýtin Resei men AQSh qatynasyn qalypqa keltirýdi qalaitynyn, Japoniiadaǵy G20 sammitinde Tramppen kezdesýi múmkin ekenin aitqan. Osakada Pýtinmen kezdeskeli jatqanyn oǵan deiin Tramp ta málimdegen.
Byltyr jyl sońynda Býenos-Aireste bolǵan "Úlken jiyrmalyq" sammitinde aldyn ala aitylǵanyna qaramastan, AQSh pen Resei prezidentteriniń kezdesýi ótpei qalǵan. Oǵan anneksiialanǵan Qyrym jaǵalaýynda reseilik shekarashylarynyń 24 ýkrain teńizshisin tutqynǵa alýy sebep bolǵan. Ýkrainalyq teńizshiler Reseide áli qamaýda otyr.
