اقش پرەزيدەنتٸ دونالد ترامپ كەلەر اپتادا جاپونييادا ٶتەتٸن "ٷلكەن جيىرمالىقتىڭ" سامميتٸندە رەسەي پرەزيدەنتٸ ۆلاديمير پۋتينمەن كەزدەسەتٸنٸن ايتتى. "رەسەيمەن دوستاسقىم كەلەدٸ", - دەدٸ Fox News ارناسىنا سۇحبات بەرگەن ترامپ.
بۇدان بۇرىن, 19 ماۋسىمدا رەسەي پرەزيدەنتٸنٸڭ باسپاسٶز حاتشىسى دميتريي پەسكوۆ ترامپ پەن پۋتين كەزدەسۋٸ جايلى ەزٸرگە ەشبٸر قوسىمشا اقپارات جوعىن ايتقان. "وساكا سامميتٸندە ٶتەتٸن ەكٸجاقتى كەزدەسۋ كەستەسٸ جاسالىپ جاتىر" دەدٸ ول.
سوچيدە جۋرناليستەر الدىندا سٶيلەگەن پۋتين رەسەي مەن اقش قاتىناسىن قالىپقا كەلتٸرۋدٸ قالايتىنىن, جاپونيياداعى G20 سامميتٸندە ترامپپەن كەزدەسۋٸ مٷمكٸن ەكەنٸن ايتقان. وساكادا پۋتينمەن كەزدەسكەلٸ جاتقانىن وعان دەيٸن ترامپ تا مەلٸمدەگەن.
بىلتىر جىل سوڭىندا بۋەنوس-ايرەستە بولعان "ٷلكەن جيىرمالىق" سامميتٸندە الدىن الا ايتىلعانىنا قاراماستان, اقش پەن رەسەي پرەزيدەنتتەرٸنٸڭ كەزدەسۋٸ ٶتپەي قالعان. وعان اننەكسييالانعان قىرىم جاعالاۋىندا رەسەيلٸك شەكاراشىلارىنىڭ 24 ۋكراين تەڭٸزشٸسٸن تۇتقىنعا الۋى سەبەپ بولعان. ۋكراينالىق تەڭٸزشٸلەر رەسەيدە ەلٸ قاماۋدا وتىر.
