AQSh Prezidenti Donald Tramp Túrkiia qarýly kúshteriniń «Beibitshilik kózi» kontrterroristik operatsiialaryna bailanysty Ankaraǵa engizilgen sanktsiiany toqtatýdy buiyrdy, dep habarlaidy «Anadolý» agenttigi.
«Men qarjy ministrligine 14 qazanda Túrkiiaǵa qatysty engizilgen sanktsiianyń kúshin joiýdy tapsyrdym», - dedi Amerika kóshbasshysy.
Aq úi basshysy kelisim júrgizilgennen keiin Túrkiianyń «Beibitshilik kózi» operatsiiasyn toqtatqanyn atap ótti. AQSh Prezidenti Siriia-Túrkiia shekarasynda oq atý toqtatylyp, jaǵdaidyń turaqtalǵanyn málim etti.
«Qashyqtyǵy 20 mil (32 shaqyrym) bolatyn qaýipsizdik aimaǵy quryldy», - dedi ol.
AQSh qarjy ministrligi Túrkiianyń eki ministrligi men úsh ministrine qatysty sanktsiialardyń resmi joiylǵanyn málimdedi. Bul týraly Amerika qarjy vedomstvosynyń jariialaǵan press-relizinde aitylǵan.
Shekteý sharalary osy jyldyń 14 qazanynda Túrkiia QK Siriianyń soltústiginde «Beibitshilik kózi» kontrterroristik operatsiialaryn júrgizýine bailanysty engizilgen edi.
