AQSh-tyń qazirgi basshysy Donald Tramp Qazaqstan Prezidenti Qasym-Jomart Toqaevqa quttyqtaý jedelhatyn joldady. Ol Qazaqstandy Táýelsizdik kúnimen quttyqtaǵan, - dep habarlaidy "Ult aqparat" Aqorda saityna silteme jasap.
Amerika Qurama Shtattarynyń Prezidenti Donald Tramp Qazaqstan Respýblikasynyń Táýelsizdik kúnine orai Memleket basshysy Qasym-Jomart Toqaevtyń atyna quttyqtaý jedelhatyn joldady.
Jedelhatta Donald Tramp Qasym-Jomart Toqaevty jáne barsha halqymyzdy el táýelsizdiginiń 29 jyldyǵymen shyn júrekten quttyqtai otyryp, Qazaqstannyń Ortalyq Aziiadaǵy beibitshilik pen turaqtylyqty saqtaý jáne órkendeý jolynda otyz jylǵa jýyq ýaqyt kósh bastap kele jatqanyn Prezidentpen birge atap ótýge qýanyshty ekenin jetkizgen.
"Biylǵy jyl buǵan deiin buryn-sońdy bolmaǵan jahandyq synaqtardy aldymyzǵa tosty. Biraq bizdiń seriktestigimiz bul synaqqa tótep berdi. Keńeitilgen strategiialyq seriktestigimizdiń sheńberinde biz COVID-19 pandemiiasymen kúrestegi yntymaqtastyǵymyzdyń barlyq baǵyttarynda oń nátijege qol jetkizdik. Amerika halqynyń atynan Qazaqstan halqyna aldaǵy jyly densaýlyq pen baq-bereke tileimin", - delingen AQSh Prezidentiniń jedelhatynda.
