AQSh prezidenti Donald Tramp Palestina ákimshiligiánń basshysy Mahmýd Abbaspen kezdesip tur. Vifleem, 23 mamyr 2017 jyl.
AQSh prezidenti Donald Tramp Iordan ózeniniń batys jaǵalaýyna saparynda izraildikter men palestinalyqtar arasynda bitim ornatýdyń "qoldan kelerlik barlyq múmkindigin" jasaýǵa ýáde berdi. "Izraildikter men palestinalyqtar arasynda beibit kelisimge qol jetkizýge, olardyń osy maqsatqa jetýine kómektesýge tyrysamyn" dedi Tramp 23 mamyrda Vifleemde Palestina ákimshiliginiń basshysy Mahmýd Abbaspen kezdesken soń.
Tramp shetelge jasaǵan alǵashqy saparynda izraildikter men palestinalyqtar arasynda "túpkilikti beibit kelisim" jasaý protsesin ilgeriletýge talpynyp júr. Tramp 22 mamyrda Taiaý Shyǵys aimaǵyna bastalǵan sapary qarsańynda aimaqta beibitshilik ornatýdyń "sirek múmkindigi" týyp otyrǵanyn aitqan.
23 mamyrda Tramp Manchesterde 22 adam qaza tapqan jarylysty aiyptaǵan. Tramp jarylysty "joly bolmaǵan kektiler" jasaǵanyn málimdegen. Ol qurbandardyń týystaryna kóńil aityp, "órkenietti ulttar adamzatty qorǵaý úshin birigýi tiis ekenin" jetkizgen.
