Foto: AP Photo / Rod Lamkey
AQSh-tyń burynǵy prezidenti Donald Tramp Ýkrainadaǵy soǵysqa bailanysty Resei tarapynan eshqandai naqty qadam jasalmaǵanyna narazy. Bul týraly AQSh Memlekettik hatshysy Marko Rýbio Fox News arnasyna bergen suhbatynda málimdedi, dep habarlaidy Ult.kz.
"Tramp shydamynyń taýsylyp bara jatqanyn baiqatyp júr. Ol Resei bul soǵysty toqtatý úshin naqty áreketke kóshedi dep úmittengen edi. Alaida, mundai qadamdar jasalmaǵan soń, kútýge degen yqylasy kún ótken saiyn tómendep keledi", – dedi Rýbio.
Aita keteiik, shilde aiynyń ortasynda Tramp Reseige narazylyǵyn ashyq bildirip, eger Ýkrainadaǵy qaqtyǵysty toqtatý jóninde kelisimge kelmese, Reseige qosymsha 100 paiyzdyq baj salyǵyn engizetinin málimdedi. Bul sharttyń oryndalýy úshin ol 50 kúndik merzim belgilegen. Sonymen qatar, Tramp ózin eshbir tarapty qoldamaitynyn atap ótken.
