Foto: AP
AQSh-tyń jańadan sailanǵan prezidenti Donald Tramp qazirgi ýaqytta Resei prezidenti Vladimir Pýtinmen kezdesýine daiyndyq protsesi júrip jatqanyn aitty dep habarlaidy Ult.kz.
BBC basylymynnyń jazýynsha "Ol kezdeskisi keledi jáne biz daiyndalyp jatyrmyz", — dedi Tramp Floridadaǵy Mar-a-Lagodaǵy rezidentsiiasynda respýblikalyq gýbernatorlarmen kezdeskenge deiin jýrnalisterge.
"Prezident Pýtin kezdeskisi keledi. Ol bul týraly kópshilik aldynda da málimdedi jáne biz bul soǵysty toqtatýymyz kerek", — dep qosty Tramp.
Ýkrainadaǵy soǵysty eske sala otyryp ol birneshe ret soǵysty toqtatýǵa ýáde berdi, biraq ony qalai josparlaǵanyn naqty kórsetpedi.
Kezdesý qashan bolýy múmkin ekenin Tramp naqtylamady, dep jazady Reuters.
Kreml Tramptyń sózine áli túsinikteme bergen joq, biraq jaqynda Pýtinniń baspasóz hatshysy Dmitrii Peskov jýrnalisterge eger Tramp 20 qańtardaǵy inaýgýratsiiadan keiin Resei prezidentimen bailanysýǵa nietti bolsa, onda bul tek Máskeýde quptalady dep aitty.
"Eger qyzmetke kiriskennen keiin joǵary deńgeidegi bailanystardy qalpyna keltirýge degen saiasi erik saqtalsa, onda, árine, prezident Pýtin muny tek quptaidy", — dedi ol.
Tramp buǵan deiin Pýtinmen kelissózder ol qyzmetke kiriskennen keiin alty ai ishinde ótýi múmkin degen.
Beisenbide Peskov amerikandyq taraptan mundai kezdesýge áli ótinishter túspegenin aitty. Al jeltoqsan aiynda Pýtinniń ózi Tramppen kezdesýge daiyn ekenin jetkizdi.
Qarashada Donald Tramptyń prezidenttik sailaýdaǵy jeńisinen bir apta ótken soń, Washington Post gazeti Tramp Pýtinmen telefon arqyly sóilesip, Ýkrainadaǵy soǵysty talqylady dep jazdy.
Kreml bul aqparatty "taza fantastika" dep atady.
.jpg)
