Donald Tramp Vladimir Pýtinmen tatýlasa alǵanyn aitty, - dep habarlaidy Tengrinews.kz tilshisi Ria Novostige silteme jasap. The Hill basylymynyń jazýynsha, bul týraly Pýtin Pensilvaniiadaǵy miting kezinde aitqan.
"Helsinkide Vladimir Pýtinmen keremet kezdesý ótkizdim. Biz ... týraly talqyladyq. Biz shynymen de jaqsy qarym-qatynasqa qol jetkizdik", - dedi Amerika Prezidenti.
Budan bólek Tramp AQSh-ta ótken sammitke pikirin bildirgende odan reseilik áriptesine qatysty "boks matchyn" kútkenin aitty.
16 shildede Finliandiia astanasynda Tramp pen Pýtin arasynda mańyzdy kelissóz júrgen edi. Aldymen basshylar 2 saǵattan asa sóilesip, keiin delegatsiia músheleri keńeitilgen qurammen túski as ishti. Artynan jýrnalister suraǵyna jaýap berdi. Kezdesýdiń qorytyndysy boiynsha liderler eki el arasyndaǵy qarym-qatynasty jaqsartýǵa múddeli ekenin aitty.
Tramp Pýtinmen kelesi kezdesýin 2019 jyly ótkizgisi keledi. AQSh prezidenti terrorizmge qarsy áreket etý, Izraildiń qaýipsizdik máselesi, iadrolyq qarýdy taratpaý, kibershabýyldar, ekonomikalyq yntymaqtastyq, Ýkraina, Taiaý Shyǵystaǵy beibitshilik, Soltústik Koreia jáne basqa da taqyryptardy talqylaýǵa úmittenedi.
