Foto: Reuters/AFP
AQSh prezidenti Donald Tramp Resei basshysy Vladimir Pýtin men Ýkraina prezidenti Vladimir Zelenskii arasyndaǵy kezdesýdiń mindetti túrde ótýi kerek ekenin málimdep, Máskeýge qarsy jańa sanktsiialar engizetinin eskertti, dep habarlaidy The Washington Post.
Juma kúni Aq úiden Shotlandiiaǵa attanar aldynda jýrnalistermen sóilesken Tramp atalǵan kezdesý ótetinine senimdi ekenin jetkizdi, biraq Kreml eki el basshylary arasynda jaqyn arada kelissózder bolmaitynyn aldyn ala málimdegen.
Men bul kezdesý mindetti túrde ótedi dep oilaimyn, — dedi Tramp.
Sonymen qatar AQSh prezidenti Reseimen iskerlik bailanys ornatqan elder men uiymdarǵa qatysty «ekinshilik sanktsiialar» engizý múmkindigin qaita kóterdi.
Aita keteiik, buǵan deiin Resei men Ýkraina delegatsiialary arasyndaǵy Ystambuldaǵy kelissózderdiń qorytyndysy jariialanǵan edi. Kezdesýde eki tarap 2 maýsymda almastyrǵan memorandýmdarǵa jáne eki el basshylarynyń múmkin bolatyn kezdesýi týraly máseleni talqylaǵan bolatyn.
