AQSh prezidenttigine Respýblikashyl partiiadan kandidat Donald Tramp prezident bolyp sailansa, Reseidiń Ýkrainadan Qyrym túbegin anneksiialap alýyn moiyndaý máselesin qaraitynyn málimdedi.
"Men bul máselege durystap úńilemin. Estýimshe, Qyrym halqy Ýkraina qaramaǵynda bolǵannan góri Reseimen birge bolǵandy qalaidy. Muny siz de eskerýińiz kerek", - dedi Tramp AQSh telearnasynyń This Week baǵdarlamasyna bergen suhbatynda.
"Bul qadam - Obama ákimshiliginiń Reseidiń 2014 jyly naýryzda Qyrymdy basyp alyp, zańsyz anneksiialap alǵanyn moiyndamaý saiasatyn tóńkerip túsiredi" dedi Tramp.
Sonymen qatar ol Respýblikashyl partiiadaǵy Ýkrainany qoldaýdy azaitatyn áreketterge óziniń qatysy joǵyn da aitty.
Donald Tramptyń jaqtastary shildede Respýblikashyl partiia sezinde partiianyń syrtqy saiasat ustanymdaryna Kievti Ýkrainanyń shyǵysynda reseishil separatistermen soǵysyna kómektesý úshin qarý-jaraqpen qamtamasyz etý máselesin qosýǵa kedergi jasaǵan.
Tramp buǵan qosa Resei prezidenti Resei prezidenti Vladimir Pýtinmen eshqandai jaqyn bailanysy joǵyn aityp, Pýtinmen ia kezdesip, ia telefonmen sóilespegenin jetkizdi.
