AQSh prezidenti Donald Tramp memlekettik hatshy Reks Tillersonǵa Pheniannyń iadrolyq jáne zymyran baǵdarlamasyna qatysty Soltústik Koreiamen kelissóz júrgizbek bolyp, ýaqytyn zaia ketirip júrgenin aitty.
"Men bizdiń tamasha memlekettik hatshymyz Reks Tillersonǵa kishkentai zymyran adammen kelissóz júrgizýge talpynyp, ýaqytyn bosqa shyǵyndap júrgenin aittym" dep jazdy Tramp 1 qazanda Twitter-de Soltústik Koreia basshysy Kim Chen Indi meńzep.
Tramp taǵy bir tvitinde "Reks, kúshińdi saqta, biz istelinýi tiis nirseni isteimiz" dep jazdy. Biraq ol naqty neni meńzep turǵanyn aitpady.
Tramptan bir kún buryn Tillerson AQSh biliginde "Phenianmen bailanys ornatý jelileri" baryn málimdegen. Sońǵy ýaqytta Soltústik Koreianyń iadrolyq jáne ballistikalyq zymyran baǵdarlamalaryna qatysty shielenis kúsheiip barady. Eki el basshylary bir-birine qatysty doq kórsetip, qatqyl málimdemeler jasap jatyr. Qyrkúiekte Soltústik Koreia qýatty sýtegi bombasyn synaǵan soń BUU Qaýipsizdik keńesi Phenianǵa qarsy sanktsiia salǵan.
