AQSh jáne Túrkiia prezidentteri senbi kúni telefon arqyly koronavirýs pandemiiasynan keiingi ǵalamdyq ekonomikanyń damý máselelerin talqylady. AQSh ákimshiligi ókiliniń aitýynsha, Donald Tramp jáne Rejep Erdoǵan mańyzdy aimaqtyq jáne eki tarapqa qatysty máselelerdi de talqyǵa salǵan.
Tramp Liviiadaǵy qaqtyǵysqa syrtqy kúshterdiń aralasýyna taǵy alańdaýshylyq bildirip, aimaqta ýshyqqan jaǵdaidy jyldam qalpyna keltirý qajettigin atap ótken. Eki el basshysy Siriiadaǵy qaqtyǵysty saiasi retteýdiń mańyzdy ekenin aitqan.
Túrkiia prezidenti ákimshiliginiń habarlaýynsha, Erdoǵan men Tramp áskeri jáne saiasi yntymaqtastyqty jalǵastyrýǵa jáne Jerorta teńiziniń shyǵysynda turaqtylyqqa qol jetkizýge yqylas bildirgen.
“Amerika daýysy” saitynyń jazýynsha, Túrkiia halyqaralyq qaýymdastyq moiyndaǵan Liviia úkimetin qoldaidy. Liviianyń úkimet kúshteri sońǵy kezde general Halif Haftar jetekshilik etken Liviia ulttyq áskerimen soǵysta jeńiske jetken.
