AQSh prezidenti Donald Tramp pen Túrkiia prezidenti Rejep Taiyp Erdoǵan telefonmen sóilesip, jýrnalist Jamal Hashoggidiń Saýd Arabiiasynyń Stambýldaǵy konsýldyǵy aýmaǵynda qaza tabý isin tolyq ashý qajet degen toqtam jasady.
Túrkiialyq Anadolu aqparat agenttiginiń Túrkiia prezidenti baspasóz qyzmetine silteme jasap habarlaýynsha, Erdoǵan men Tramp Hashoggidiń isi "jan-jaqty tergelýi tiis" degen ýaǵdalastyq jasasqan.
Buǵan deiin Erdoǵan 23 qazanda dissident jýrnalistiń ólimine qatysty "búkil shyndyqty" jaiyp salatynyn málimdegen. 20 qazan kúni Er-Riiad Hashoggidiń Saýd Arabiiasynyń Stambýldaǵy konsýlyǵynda qaza tapqanyn moiyndaǵan.
Saýd Arabiiasynyń memlekettik BAQ-y 60 jastaǵy jýrnalist 2 qazan kúni konsýldyq keńsesinde bolǵan "tóbeles" kezinde qaitys bolǵanyn habarlaǵan.
