AQSh-ta juma kúni 2001 jyly 11 qyrkúiekte jasalǵan terrorlyq shabýyl qurbandaryn eske aldy. 19 jyl buryn terrorshylar tórt jolaýshy ushaǵyn basyp alyp, onyń ekeýin Niý-Iorktegi Dúniejúzilik saýda ortalyǵynyń ǵimaratyna, úshinshisin Pentagonǵa aparyp soqqan. Tórtinshi ushaqtaǵy jolaýshylar terrorshylarǵa qarsylyq kórsetip, ushaq Pensilvaniia shtaty aýmaǵyna qulaǵan. Teraktiler saldarynan barlyǵy úsh myńǵa jýyq adam qaza tapqan.
Qurbandardy eske alý sharalary Niý-Iork, Vashington jáne ózge qalalarda ótti. Biyl koronavirýs indetine bailanysty eske alý sharasyna azdap ózgeris engizildi – oǵan qatysýshylar maska taǵyp, bir-birinen alshaqtaý turdy.
Eske alý sharalaryna biyl kúzde ótetin AQSh prezdienti sailaýynyń negizgi eki kandidaty – qazirgi prezident Donald Tramp pen onyń básekelesi, demokrat Djo Baiden qatysty.
Tramp, onyń zaiyby Melaniia Tramp pen prezident ákimshiliginiń joǵary laýazymdy qyzmetkerleri Pensilvaniia shtatyndaǵy Shenksvillde 19 jyl buryn qulaǵan ushaq jolaýshylary men ekipajyn eske aldy.
Tramp óz sózinde terrorshylarmen aiqasqa túsken №93 reis jolaýshylary "qandai qaýip-qater tónse de Amerikanyń árqashan qaitadan aiaǵyna turyp, toitarys bere alatynyn máńgi pash etti" dedi.
Djo Baiden men vitse-prezident Maik Pens Niý-Iorktegi qaraly sharaǵa qatysty. Baidan Shenksivllge de baryp, qurbandardyń rýhyna taǵzym etti.
AQSh memlekettik departamenti memlekettik hatshy Maik Pompeonyń eske alý kúnine bailanysty málimdemesin taratty. Onda AQSh-tyń odaqtastary jáne áriptesterimen birge 11 qyrkúiek shabýylyn uiymdastyrǵan "Ál-Qaida" men ózge halyqaralyq terrorlyq toptardy talqandaýda úlken jetistkke jetkeni, alaida terrorizmmen kúres áli aiaqtalmaǵany aitylǵan.
