اقش-تا جۇما كٷنٸ 2001 جىلى 11 قىركٷيەكتە جاسالعان تەررورلىق شابۋىل قۇرباندارىن ەسكە الدى. 19 جىل بۇرىن تەررورشىلار تٶرت جولاۋشى ۇشاعىن باسىپ الىپ, ونىڭ ەكەۋٸن نيۋ-يوركتەگٸ دٷنيەجٷزٸلٸك ساۋدا ورتالىعىنىڭ عيماراتىنا, ٷشٸنشٸسٸن پەنتاگونعا اپارىپ سوققان. تٶرتٸنشٸ ۇشاقتاعى جولاۋشىلار تەررورشىلارعا قارسىلىق كٶرسەتٸپ, ۇشاق پەنسيلۆانييا شتاتى اۋماعىنا قۇلاعان. تەراكتٸلەر سالدارىنان بارلىعى ٷش مىڭعا جۋىق ادام قازا تاپقان.
قۇربانداردى ەسكە الۋ شارالارى نيۋ-يورك, ۆاشينگتون جەنە ٶزگە قالالاردا ٶتتٸ. بيىل كوروناۆيرۋس ٸندەتٸنە بايلانىستى ەسكە الۋ شاراسىنا ازداپ ٶزگەرٸس ەنگٸزٸلدٸ – وعان قاتىسۋشىلار ماسكا تاعىپ, بٸر-بٸرٸنەن الشاقتاۋ تۇردى.
ەسكە الۋ شارالارىنا بيىل كٷزدە ٶتەتٸن اقش پرەزديەنتٸ سايلاۋىنىڭ نەگٸزگٸ ەكٸ كانديداتى – قازٸرگٸ پرەزيدەنت دونالد ترامپ پەن ونىڭ بەسەكەلەسٸ, دەموكرات دجو بايدەن قاتىستى.
ترامپ, ونىڭ زايىبى مەلانييا ترامپ پەن پرەزيدەنت ەكٸمشٸلٸگٸنٸڭ جوعارى لاۋازىمدى قىزمەتكەرلەرٸ پەنسيلۆانييا شتاتىنداعى شەنكسۆيللدە 19 جىل بۇرىن قۇلاعان ۇشاق جولاۋشىلارى مەن ەكيپاجىن ەسكە الدى.
ترامپ ٶز سٶزٸندە تەررورشىلارمەن ايقاسقا تٷسكەن №93 رەيس جولاۋشىلارى "قانداي قاۋٸپ-قاتەر تٶنسە دە امەريكانىڭ ەرقاشان قايتادان اياعىنا تۇرىپ, تويتارىس بەرە الاتىنىن مەڭگٸ پاش ەتتٸ" دەدٸ.
دجو بايدەن مەن ۆيتسە-پرەزيدەنت مايك پەنس نيۋ-يوركتەگٸ قارالى شاراعا قاتىستى. بايدان شەنكسيۆللگە دە بارىپ, قۇربانداردىڭ رۋحىنا تاعزىم ەتتٸ.
اقش مەملەكەتتٸك دەپارتامەنتٸ مەملەكەتتٸك حاتشى مايك پومپەونىڭ ەسكە الۋ كٷنٸنە بايلانىستى مەلٸمدەمەسٸن تاراتتى. وندا اقش-تىڭ وداقتاستارى جەنە ەرٸپتەستەرٸمەن بٸرگە 11 قىركٷيەك شابۋىلىن ۇيىمداستىرعان "ەل-قايدا" مەن ٶزگە حالىقارالىق تەررورلىق توپتاردى تالقانداۋدا ٷلكەن جەتٸستككە جەتكەنٸ, الايدا تەرروريزممەن كٷرەس ەلٸ اياقتالماعانى ايتىلعان.
