AQSh prezidenti Donald Tramp álem boiynsha ózine qarsy narazylyqqa shyqqan júzdegen myń adamnyń, sonyń ishinde Vashingtondaǵy "Áielder sherýine" qatysýshylardyń "quqyqtaryn moiyndaitynyn" málimdedi, dep habarlaidy "Ult aqparat" centralasian.org agenttigine silteme jasap.
"Beibit sherýler - bizdiń demokratiianyń airyqsha sipaty. Men onymen kelispegen kúnniń ózinde, adamdardyń óz kózqarasyn jetkizý quqyǵyn moiyndaimyn", - dep málimdedi Tramp. Málimdeme 22 qańtarda memleket basshysynyń tvitterinde jariialanǵan.
Budan birneshe saǵat buryn ol tvitter arqyly mysqyldaǵan edi: "Keshe narazylyq sherýlerin kórdim, biraq sailaý endi ǵana ótkendei sezimde qalyp otyrmyn. Bul adamdar nege sailaýǵa qatyspaǵan? Tanymal adamdar isimizge qatty kedergi keltirip otyr ma!?".
Tramp AQSh-tyń 45-shi prezidenti retinde ant qabyldaǵan soń, Qurama Shtattarda 1 millionnan astam adam narazylyq sherýlerine shyqty. Tramp ákimshiligi buǵan qatysty alǵashqy pikirin tvitter arqyly bildirdi.
Vashingtondaǵy áielder sherýine adam kóp jinalǵan. Áielder sherýi Kapitolii ǵimaraty aldynda ótti.
