AQSh prezidenti Donald Tramp Irandy túpkilikti jeńgennen keiin Ormýz buǵazyn AQSh aýmaǵy dep jariialaitynyn málimdedi, dep habarlaidy ult.kz.
Tramptyń aitýynsha, Iran qazir aýyr jeńiliske ushyrap jatyr, al amerikalyq áskeri-teńiz kúshteri buǵazdaǵy keme qatynasyn baqylaýda ustap otyr.
«Irandy túpkilikti jeńgennen keiin, kóp uzamai Ormýz buǵazyn AQSh aýmaǵy dep jariialaimyn», – dedi Tramp.
Ol tipti buǵaz is júzinde AQSh-qa tiesili ekenin aityp, «biz qalamasaq, birde-bir keme ol jerden óte almaidy» dedi.
Buǵan Iran tarapy birden jaýap qatty.
Iran Syrtqy ister ministriniń orynbasary Kazem Garibabadi X jelisinde:
«Ormýz buǵazyn tvitpen de, avianosetspen de, buiryqpen de, sailaý aldyndaǵy sózben de basyp ala almaisyń. Iran qaýipten qoryqpaidy. Ormýz buǵazy buryn da irandyq boldy, qazir de irandyq jáne bolashaqta da irandyq bolyp qalady», – dep jazdy.
Ol Vashingtondy «shyndyqty qabyldaýǵa» jáne «strategiialyq ári aýyr jeńiliske ushyraǵanyn moiyndaýǵa» shaqyrdy.
Al Iran SIM-niń resmi ókili Ismail Bagai AQSh-tyń syrtqy saiasatyn synai otyryp, Fedor Dostoevskiidiń «Aǵaiyndy Karamazovtar» romanynan úzindi keltirdi:
«Ózine-ózi ótirik aityp, óziniń ótirigine ózi sengen adam aqyrynda óz boiynan da, ainalasynan da shyndyqty ajyrata almaityn jaǵdaiǵa jetedi».
Osylaisha Ormýz buǵazy úshin AQSh pen Iran arasyndaǵy tek áskeri emes, saiasi jáne ritorikalyq teketires te kúsheiip otyr.
