Foto: Aq úi
AQSh prezidenti Donald Tramp Nobel beibitshilik syilyǵynyń medalin alǵanyn málimdedi, dep habarlaidy Ult.kz.
Bul týraly amerikalyq kóshbasshy Truth Social áleýmettik jelisindegi paraqshasynda jazdy. Onyń aitýynsha, ol Venesýelanyń oppozitsiialyq saiasatkeri Mariia Korina Machadomen eki saǵattan astam ýaqyt áńgimelesken.
«Búgin Mariia Korina Machadomen kezdesý men úshin úlken mártebe boldy. Ol – kóp qiyndyqty bastan ótkergen erekshe áiel. Mariia maǵan Venesýela boiynsha atqarǵan jumysym úshin óziniń Nobel beibitshilik syilyǵynyń medalin tabystady. Bul – ózara qurmettiń tamasha belgisi. Raqmet, Mariia», – dep jazdy Donald Tramp.
Aita keteiik, buǵan deiin Venesýela prezidenti Nikolas Madýronyń tutqyndalýyna bailanysty Donald Tramp Mariia Korina Machadonyń el ishinde qoldaýy joq ekenin aitqan bolatyn. Al Machadonyń ózi AQSh-tyń Venesýelaǵa jasaǵan shabýyldary úshin Tramp Nobel beibitshilik syilyǵyna laiyq dep málimdegen.
Alaida Nobel komiteti bul pikirge qatysty túsinikteme berip, syilyq taǵaiyndalǵannan keiin ony keri qaitaryp alý, bólisý nemese basqa tulǵaǵa berý múmkin emestigin atap ótti. Komitettiń málimetinshe, Nobel beibitshilik syilyǵynyń laýreaty mártebesi ózgermeidi.
