AQSh prezidenti Donald Tramp Iranǵa qatysty áskeri operatsiialar júrgizý ókiletin shekteitin kongress rezoliýtsiiasyna veto qoidy. Qańtar aiynda Baǵdat áýejaiynda irandyq general Kasem Súleimani óltirilip, AQSh pen Iran arasyndaǵy jaǵdai ýshyqqan kezde ókilder palatasy osyndai rezoliýtsiiany qabyldaǵan. Prezident generaldy óltirý týraly sheshimdi kongrespen kelispei óz betinshe qabyldaǵan. Tegeran osydan soń AQSh-tyń Iraktaǵy áskeri bazalaryn zymyranmen atqylaǵan.
"Bul adamdy qorlaityn rezoliýtsiia, ony 3 qarashadaǵy sailaýda jeńýdi kózdeitin jáne respýblikashyldardy jikke bólgisi keletin demokrattar engizgen" dedi Tramp. Ol sonymen birge qujatty qoldap daýys bergen respýblikashyldardy da synady.
Aq úi jetekshisiniń aitýynsha, demokrattar faktiler men zańnamaǵa kózi jetpei jatyp, rezoliýtsiiany qabyldaǵan. Tramptyń sózine qaraǵanda AQSh Iranǵa qarsy kúsh qoldanyp otyrǵan joq. Ol Súleimanidi óltirý operatsiiasyn zańdy dep atady. Onyń aitýynsha, bul sheshim 2002 jyly Irakta áskeri kúsh qoldaný týraly rezoliýtsiiamen maquldanǵan.
Senat prezidenttiń veto qoiý týraly sheshimine bailanysty 7 mamyrda daýys beredi dep aitylady.
