اقش پرەزيدەنتٸ دونالد ترامپ يرانعا قاتىستى ەسكەري وپەراتسييالار جٷرگٸزۋ ٶكٸلەتٸن شەكتەيتٸن كونگرەسس رەزوليۋتسيياسىنا ۆەتو قويدى. قاڭتار ايىندا باعدات ەۋەجايىندا يراندىق گەنەرال كاسەم سٷلەيماني ٶلتٸرٸلٸپ, اقش پەن يران اراسىنداعى جاعداي ۋشىققان كەزدە ٶكٸلدەر پالاتاسى وسىنداي رەزوليۋتسييانى قابىلداعان. پرەزيدەنت گەنەرالدى ٶلتٸرۋ تۋرالى شەشٸمدٸ كونگرەسپەن كەلٸسپەي ٶز بەتٸنشە قابىلداعان. تەگەران وسىدان سوڭ اقش-تىڭ يراكتاعى ەسكەري بازالارىن زىمىرانمەن اتقىلاعان.
"بۇل ادامدى قورلايتىن رەزوليۋتسييا, ونى 3 قاراشاداعى سايلاۋدا جەڭۋدٸ كٶزدەيتٸن جەنە رەسپۋبليكاشىلداردى جٸككە بٶلگٸسٸ كەلەتٸن دەموكراتتار ەنگٸزگەن" دەدٸ ترامپ. ول سونىمەن بٸرگە قۇجاتتى قولداپ داۋىس بەرگەن رەسپۋبليكاشىلداردى دا سىنادى.
اق ٷي جەتەكشٸسٸنٸڭ ايتۋىنشا, دەموكراتتار فاكتٸلەر مەن زاڭناماعا كٶزٸ جەتپەي جاتىپ, رەزوليۋتسييانى قابىلداعان. ترامپتىڭ سٶزٸنە قاراعاندا اقش يرانعا قارسى كٷش قولدانىپ وتىرعان جوق. ول سٷلەيمانيدٸ ٶلتٸرۋ وپەراتسيياسىن زاڭدى دەپ اتادى. ونىڭ ايتۋىنشا, بۇل شەشٸم 2002 جىلى يراكتا ەسكەري كٷش قولدانۋ تۋرالى رەزوليۋتسييامەن ماقۇلدانعان.
سەنات پرەزيدەنتتٸڭ ۆەتو قويۋ تۋرالى شەشٸمٸنە بايلانىستى 7 مامىردا داۋىس بەرەدٸ دەپ ايتىلادى.
