Donald Tramptyń Trump Media & Technology Group (TMTG) kompaniiasy Truth Social áleýmettik jelisin jasaý úshin investorlardan milliard dollardan astam qarjy tartqanyn jariialady. Bul jóninde osy kompaniianyń press-relizinde aitylǵan.
"Milliard dollar – tsenzýra men saiasi alalaýǵa jol joq ekendigin kórsetetin mańyzdy belgi, – dedi AQSh-tyń burynǵy prezidenti Donald Tramp. – Amerika saiasi ideologiia boiynsha eshkimge tyiym salmaityn Truth Social platformasyna daiyn".
Tramp komandasy jańa áleýmettik jeli jasaýdy josparlap otyrǵanyn eks-prezidenttiń akkaýnty buǵattalysymen-aq jariialaǵan. Tramp jaqtastaryn 2021 jyly qańtarda AQSh kongresiniń ǵimaratyn basyp alýǵa shaqyrǵan kezde álemdegi iri platformalar onyń áleýmettik jelidegi akkaýnttaryn buǵattaǵan bolatyn. Tramp kúshpen basyp alý jóninde úgit-nasihat jasamaǵanyn aitady.
Tramp ókilderiniń sózinshe, Truth Social degen aty bar jańa áleýmettik jeli "liberal medialar konsortsiýymyna" jáne iri tehnologiialyq kompaniialarǵa qarsy turatyn bolady. Jańa jelini 2022 jyldyń alǵashqy kvartalynda iske qospaqshy.
Taiaýda hakerler paidalanýǵa áli tolyq berilmegen Truth Social jelisin buzyp kirip, Donald Tramptyń feik akkaýntyn jasap ketken.
