دونالد ترامپتىڭ Trump Media & Technology Group (TMTG) كومپانيياسى Truth Social ەلەۋمەتتٸك جەلٸسٸن جاساۋ ٷشٸن ينۆەستورلاردان ميلليارد دوللاردان استام قارجى تارتقانىن جارييالادى. بۇل جٶنٸندە وسى كومپانييانىڭ پرەسس-رەليزٸندە ايتىلعان.
"ميلليارد دوللار – تسەنزۋرا مەن ساياسي الالاۋعا جول جوق ەكەندٸگٸن كٶرسەتەتٸن ماڭىزدى بەلگٸ, – دەدٸ اقش-تىڭ بۇرىنعى پرەزيدەنتٸ دونالد ترامپ. – امەريكا ساياسي يدەولوگييا بويىنشا ەشكٸمگە تىيىم سالمايتىن Truth Social پلاتفورماسىنا دايىن".
ترامپ كومانداسى جاڭا ەلەۋمەتتٸك جەلٸ جاساۋدى جوسپارلاپ وتىرعانىن ەكس-پرەزيدەنتتٸڭ اككاۋنتى بۇعاتتالىسىمەن-اق جارييالاعان. ترامپ جاقتاستارىن 2021 جىلى قاڭتاردا اقش كونگرەسٸنٸڭ عيماراتىن باسىپ الۋعا شاقىرعان كەزدە ەلەمدەگٸ ٸرٸ پلاتفورمالار ونىڭ ەلەۋمەتتٸك جەلٸدەگٸ اككاۋنتتارىن بۇعاتتاعان بولاتىن. ترامپ كٷشپەن باسىپ الۋ جٶنٸندە ٷگٸت-ناسيحات جاساماعانىن ايتادى.
ترامپ ٶكٸلدەرٸنٸڭ سٶزٸنشە, Truth Social دەگەن اتى بار جاڭا ەلەۋمەتتٸك جەلٸ "ليبەرال مەديالار كونسورتسيۋىمىنا" جەنە ٸرٸ تەحنولوگييالىق كومپانييالارعا قارسى تۇراتىن بولادى. جاڭا جەلٸنٸ 2022 جىلدىڭ العاشقى كۆارتالىندا ٸسكە قوسپاقشى.
تاياۋدا حاكەرلەر پايدالانۋعا ەلٸ تولىق بەرٸلمەگەن Truth Social جەلٸسٸن بۇزىپ كٸرٸپ, دونالد ترامپتىڭ فەيك اككاۋنتىن جاساپ كەتكەن.
