AQSh prezidenti Donald Tramp Soltústik Koreia lideri Kim Chen Ynmen kezdesetin oryn men ýaqytty keliskeni týraly málimdedi. Ol bul týraly juma kúni Aq úide jýrnalister suraǵyna bergen jaýabynda habarlaǵan, biraq kezdesýdiń naqty qai jerde jáne qashan ótetinin ashyp aitpaǵan. "Bul týraly biz jaqyn arada jariialaimyz", - degen ol. Bul týraly Azattyq jazdy.
AQSh prezidenti aldaǵy kezdesýdiń "óte jaqsy nátijemen» aiaqtalatynyna senimdi ekenin aitqan. Ol sonymen birge Soltústik Koreiada qamaýda otyrǵan úsh AQSh azamatynyń taǵdyryna qatysty kelissózder ótkenin de habarlap, "jaqsy nárseler kóresizder degen oidamyn" dep málimdegen.
Buǵan deiin Tramp Kim Chen Ynmen kezdesýi Ońtústik Koreia men Soltústik Koreianyń shekarasyndaǵy Phanmýndjom aimaǵynda ótýi múmkin ekeni týraly habarlaǵan. Sáýirdiń 27-si kúni Phanmýndjomda Soltústik Koreia basshysy Kim Chen Yn men Ońtústik Koreia prezidenti Mýn Chje In kelissóz ótkizgen bolatyn. Kei baspasóz quraldary Tramp pen Kim Chen Yn kezdesýi ótetin yqtimal oryndar retinde Singapýr, Mońǵoliia men Shveitsariiany da ataǵan edi.
