اقش پرەزيدەنتٸ دونالد ترامپ سولتٷستٸك كورەيا ليدەرٸ كيم چەن ىنمەن كەزدەسەتٸن ورىن مەن ۋاقىتتى كەلٸسكەنٸ تۋرالى مەلٸمدەدٸ. ول بۇل تۋرالى جۇما كٷنٸ اق ٷيدە جۋرناليستەر سۇراعىنا بەرگەن جاۋابىندا حابارلاعان, بٸراق كەزدەسۋدٸڭ ناقتى قاي جەردە جەنە قاشان ٶتەتٸنٸن اشىپ ايتپاعان. "بۇل تۋرالى بٸز جاقىن ارادا جارييالايمىز", - دەگەن ول. بۇل تۋرالى ازاتتىق جازدى.
اقش پرەزيدەنتٸ الداعى كەزدەسۋدٸڭ "ٶتە جاقسى نەتيجەمەن» اياقتالاتىنىنا سەنٸمدٸ ەكەنٸن ايتقان. ول سونىمەن بٸرگە سولتٷستٸك كورەيادا قاماۋدا وتىرعان ٷش اقش ازاماتىنىڭ تاعدىرىنا قاتىستى كەلٸسسٶزدەر ٶتكەنٸن دە حابارلاپ, "جاقسى نەرسەلەر كٶرەسٸزدەر دەگەن ويدامىن" دەپ مەلٸمدەگەن.
بۇعان دەيٸن ترامپ كيم چەن ىنمەن كەزدەسۋٸ وڭتٷستٸك كورەيا مەن سولتٷستٸك كورەيانىڭ شەكاراسىنداعى پحانمۋندجوم ايماعىندا ٶتۋٸ مٷمكٸن ەكەنٸ تۋرالى حابارلاعان. سەۋٸردٸڭ 27-سٸ كٷنٸ پحانمۋندجومدا سولتٷستٸك كورەيا باسشىسى كيم چەن ىن مەن وڭتٷستٸك كورەيا پرەزيدەنتٸ مۋن چجە ين كەلٸسسٶز ٶتكٸزگەن بولاتىن. كەي باسپاسٶز قۇرالدارى ترامپ پەن كيم چەن ىن كەزدەسۋٸ ٶتەتٸن ىقتيمال ورىندار رەتٸندە سينگاپۋر, موڭعولييا مەن شۆەيتسارييانى دا اتاعان ەدٸ.
