AQSh prezidenti Donald Tramp Meksikamen shekarada dýal turǵyzýǵa qarjy bólý týraly talaby oryndalmaiynsha úkimet jumysy ishinrara toqtap tura beretinin ("shatdaýn") málimdedi.
"Amerika daýysy" radiosynyń habarlaýynsha, memlekettik mekemelerdiń tórtten biri jumysyn toqtatqan. "Shatdaýan" zardaby federaldyq mekemelerdiń 800 myńnan astam qyzmetkerine tiip otyr, olardyń jartysynan kóbi aqysyz jumys istep jatyr.
AQSh-ta 24-25 jeltoqsan Rojdestvo merekesi toilanatyndyqtan Kongress pen Aq úi biýdjet máselesin merekeden keiin ǵana sheshe alady. Senattyń endigi otyrysy 27 jeltoqsanǵa belgilengen.
Prezident Donald Tramp Kongresten Meksikamen shekarada qabyrǵa turǵyza bastaý úshin 5,7 milliard dollar bólýdi talap etedi, al demokrattar buny oryndaýdan úzildi-kesildi bas tartyp otyr. Shekarada qabyrǵa turǵyzý jobasyna barlyǵy 20 milliard dollardan qarjy ketýi múmkin. Tramp sailaýaldy kampaniiasynda shekarada qabyrǵa turǵyzý shyǵyndaryn Meksika tóleidi dep ýáde bergen.
