اقش پرەزيدەنتٸ دونالد ترامپ مەكسيكامەن شەكارادا دۋال تۇرعىزۋعا قارجى بٶلۋ تۋرالى تالابى ورىندالمايىنشا ٷكٸمەت جۇمىسى ٸشٸنرارا توقتاپ تۇرا بەرەتٸنٸن ("شاتداۋن") مەلٸمدەدٸ.
"امەريكا داۋىسى" راديوسىنىڭ حابارلاۋىنشا, مەملەكەتتٸك مەكەمەلەردٸڭ تٶرتتەن بٸرٸ جۇمىسىن توقتاتقان. "شاتداۋان" زاردابى فەدەرالدىق مەكەمەلەردٸڭ 800 مىڭنان استام قىزمەتكەرٸنە تيٸپ وتىر, ولاردىڭ جارتىسىنان كٶبٸ اقىسىز جۇمىس ٸستەپ جاتىر.
اقش-تا 24-25 جەلتوقسان روجدەستۆو مەرەكەسٸ تويلاناتىندىقتان كونگرەسس پەن اق ٷي بيۋدجەت مەسەلەسٸن مەرەكەدەن كەيٸن عانا شەشە الادى. سەناتتىڭ ەندٸگٸ وتىرىسى 27 جەلتوقسانعا بەلگٸلەنگەن.
پرەزيدەنت دونالد ترامپ كونگرەستەن مەكسيكامەن شەكارادا قابىرعا تۇرعىزا باستاۋ ٷشٸن 5,7 ميلليارد دوللار بٶلۋدٸ تالاپ ەتەدٸ, ال دەموكراتتار بۇنى ورىنداۋدان ٷزٸلدٸ-كەسٸلدٸ باس تارتىپ وتىر. شەكارادا قابىرعا تۇرعىزۋ جوباسىنا بارلىعى 20 ميلليارد دوللاردان قارجى كەتۋٸ مٷمكٸن. ترامپ سايلاۋالدى كامپانيياسىندا شەكارادا قابىرعا تۇرعىزۋ شىعىندارىن مەكسيكا تٶلەيدٸ دەپ ۋەدە بەرگەن.
