AQSh-tyń sailanǵan prezidenti Donald Tramp Izrailge ádepsiz, dóreki qaraýǵa jol bermeitinin málimdedi. Ol óziniń Twitter áleýmettik jelisindegi paraqshasyna Izraildi 2017 jyldyń 20 qańtaryna belgilengen inaýgýratsiiasyna deiin shydai turýǵa shaqyrdy.
Tramptyń sózderinshe, AQSh Izraildiń "óte jaqsy dosy" dosy bolyp kelgen, biraq Iranmen iadrolyq kelisim júrgizgennen keiin jaǵdai ózgergen. Biylǵy jyldyń 16 qańtarynda Tegeranǵa qarsy iadrolyq qarý jasap shyǵarý áreketi úshin salynǵan sanktsiialar alynyp tastalǵan.
Izrail premer-ministri Beniamin Netaniahý Tramptyń jazbasyna "Izrailge qoldaý bildirgeni úshin jáne jyly dostyq nieti úshin" dep alǵysyn jetkizgen.
23 jeltoqsanda BUU Qaýipsizdik Keńesi Izrailge qatysty evrei halqyn Palestina aýmaǵyna kóshirýdi toqtatýǵa shaqyryp, rezoliýtsiia qabyldaǵan. Bul qujatqa Keńestiń músheleri – 14 memleket daýys berdi. AQSh qalys qalǵan. AQSh uzaq jyldar boiy birinshi ret Izrailge qarsy qujatqa qarsylyq bildirmedi. Netaniahý osydan keiin palestindyqtarmen "astyrtyn ymyralasqan" dep AQSh ákimshiligin aiyptady.
