Foto: Kommersant
Izrail men HAMAS beibit jospardyń alǵashqy kezeńi boiynsha kelisimge qol qoidy.
"Men Izrail men HAMAS bizdiń beibit josparymyzdyń alǵashqy kezeńine qatysty kelisimge qol qoiǵanyn qýana habarlaimyn. Bul barlyq tutqyn jaqyn arada bosatylady degendi bildiredi, al Izrail áskerin kelisilgen shepke deiin áketedi — bul turaqty, senimdi jáne máńgi beibitshilikke baǵyttalǵan alǵashqy qadamdar", — dep jazdy AQSh prezidenti Donald Tramp Truth Social jelisinde.
Onyń aitýynsha, "barlyq tarapqa ádil qatynas kórsetiledi". Sondai-aq amerikalyq lider Qatar, Mysyr jáne Túrkiiadaǵy deldaldarǵa alǵysyn bildirdi.
Sonymen qatar HAMAS málimdeýinshe, Gaza sektorynda atysty toqtatý jóninde kelisimge qol jetkizilgenin. Uiymnyń habarlamasynda bul qujat Izrail áskeriniń shyǵýyn, anklavqa gýmanitarlyq kómek jetkizilýin jáne izraildik tutqyndardy palestinalyq tutqyndarǵa aiyrbastaýdy kózdeitini aitylǵan.
Osyǵan bailanysty HAMAS Trampqa, kelisimniń kepili bolyp sanalatyn memleketterge, sondai-aq arab jáne islam elderine Izraildiń kelisim boiynsha óz mindettemelerin tolyq oryndaýyn jáne bul protseske kedergi keltirmeýdi qamtamasyz etýdi surap júgindi.
Izrail premer-ministri Biniamin Netaniahý málimdeýinshe, el úkimetiniń otyrysyn shaqyryp, Gaza sektoryndaǵy atysty toqtatýdyń alǵashqy kezeńi jónindegi kelisimdi ratifikatsiialaý jospary bar ekenin.
