AQSh prezidenti Donald Tramp pen Izrail premer-ministri Beniamin Netanhý. Ierýsalim, 22 mamyr 2017 jyl.
Ierýsalimde Izrail premer-ministri Beniamin Netaniahýmen kezdesken AQSh prezidenti Donald Tramp Irannyń áskeri áleýetin kúsheitýinen qaýiptengen arab elderi men Izraildiń múddeleri "uqsas ekenin" málimdedi, - dep jazady "Ult aqparat" Azattyqqa silteme jasap.
Ierýsalimdegi kelissózder nátijesi boiynsha Tramppen birge ótkizgen brifingte Netaniahý "Taiaý Shyǵys aimaǵynda beibitshilik ornatýǵa alǵash ret jol ashylǵanyn" málimdedi. Ol AQSh prezidentimen tyǵyz jumys isteýge daiyn ekenin aityp, "Ortaq qaýip kezinde jaýlarymyz áripteske ainalady" dedi.
Birlesken baspasóz konferentsiiasynda Netaniahý AQSh-tyń Iranǵa qatysty saiasatynyń ózgere bastaǵanyn joǵary baǵalady. Buǵan qosa, ol Tramptyń Siriiada himiialyq qarý qoldanýyna "batyl qarsy shyqqanyn" atap ótti.
"Qatal ári turaqsyz Taiaý Shyǵystaǵy qaýip-qaterlerge qarsy turý úshin sizben tyǵyz bailanys ornatamyz dep úmittenem. Biz kúsh biriktire otyryp, Irannyń iadrolyq qarýǵa umtylǵan agressivti saiasatyn tejei alamyz", - dedi Netaniahý.
