Foto: BBC
Tramp irandyq basshylar AQSh-pen "kelissóz júrgizý" úshin bailanysqa shyqqanyn habarlady, al Aiatolla Hamenei Trampty ájýalady, dep habarlaidy Ult.kz.
AQSh prezidenti Donald Tramp bul týraly Air Force One ushaǵynda jýrnalisterge málimdep, qazirgi tańda kezdesý daiyndyǵy júrip jatqanyn aitty. Alaida onyń sózinshe, bul kezdesý ótpei turyp-aq áreket etýge týra kelýi múmkin.
"Olar, shamasy, sony bastap jatqan siiaqty", — dedi Tramp Iranda narazylyq bildirýshilerdiń qaza tabýyna bailanysty "qyzyl syzyqtan" ótildi me degen suraqqa jaýap bere otyryp.
"Áskeriler jaǵdaidy zerttep jatyr, biz birneshe óte qatań nusqany qarastyryp otyrmyz", — dep qosty ol.
Ótken aptada Tramp Tegerandy eger Iran kóshelerine shyqqan demonstranttardy óltirý bastalsa, AQSh aralasatynyn eskertken.
Irandaǵy narazylyqtar eki aptadan beri jalǵasyp keledi. Elde internet óshirilgen, bul aqparat jinaý men tekserýdi aitarlyqtai qiyndatyp otyr.
Al osy ýaqytta Irannyń joǵarǵy kósemi Áli Hamenei X jelisindegi paraqshasynda AQSh prezidenti Donald Trampty kóne perǵaýyn keipinde beinelegen sýret jariialap, ony sózsiz quldyraý kútip turǵanyn eskertti.
"Ádette álemdik ústemdikke umtylǵan menmen bileýshiler óz qýatynyń shegine jetken kezde qulatylady. Muny da dál sol taǵdyr kútip tur", — delingen jazbada.
Aita keteiik, kuqyqqorǵaýshylardyń dereginshe, qaza tapqandar sany 500 adamnan asqan: 490 narazylyq bildirýshi jáne 48 kúshtik qurylym qyzmetkeri.
