AQSh Siriiadaǵy áskerin shyǵara bastaidy. Bul týraly amerikalyq basylymdar habarlady.
AQSh qorǵanys salasynyń resmi ókili CNN telearnasyna Siriia aimaǵyndaǵy amerikalyq áskerilerdiń barlyǵy elge oralatynyn aitqan.
AQSh bul protsesti qashan bastaityny naqty belgisiz. El Prezidenti Donald Tramp bolsa, Twitter-de "Islam memleketi" ekstremistik tobynyń kúiregenin, "AQSh áskeriniń Siriiada qalýynyń jalǵyz sebebi IM-di jeńý bolǵanyn" jazdy.
Resmi derek boiynsha, Siriia aýmaǵynda 2000 amerikalyq áskeri bar.
"Islam memleketi" (Qazaqstanda DAISh dep atalady - red.) - 2013 jyly Siriia men Irak aýmaǵynda qurylǵan ekstremistik top. Birneshe jyl boiy eki el aýmaǵynyń negizgi bóligin basyp alyp, halifat ornatpaq bolǵan. 2018 jyldan bastap IM quldyrai bastady. Qazaqstanda terroristik uiym dep tanylǵan.
Qazaqstan ulttyq qaýipsizdik komitetiniń dereginshe, 800-ge jýyq qazaqstandyq Siriiaǵa ketip, "Islam memleketi" tobynyń sapynda soǵysqan.
