Aq úi basshysy Donald Tramp Germaniiadaǵy AQSh áskerin 25 myń sarbazǵa deiin qysqartatynyn aityp, NATO boiynsha áriptes elderdi alańdatyp qoidy.
15 maýsym kúni Tramp Germaniiany NATO-ny qarjylandyrý boiynsha mindettemesin oryndamai otyr dep aiyptap, AQSh áskeriniń ol elde bolýy qymbatqa shyǵyp otyrǵanyn aitty.
Eýropa elderi ishinde AQSh áskeriniń eń úlken sany osy Germaniiada. Qysqartý 9500 sarbazdyń eline qaitýyna ákeledi.
Óz málimdemesinde Tramp Germaniiada 52 myń AQSh sarbazy bar dep jańylysty. Bul sannyń 17 myńy áskerge qyzmet etetin beiáskeri adamdar.
Germaniiadan shyǵarylǵan AQSh sarbazdarynyń bir bóligi Polshaǵa jiberiledi, qalǵany eline qaitady dep josparlanyp otyr.
AQSh-tyń Germaniiadaǵy áskeri bazalary Eýropanyń qaýipsizdigin saqtaýǵa qyzmet etedi jáne AQSh-tyń Taiaý Shyǵys pen Aziiadaǵy áskeri operatsiialaryna qatysady.
Tramp osyǵan deiin Germaniia men Eýropanyń ózge elderin NATO-ny qarjylandyrý boiynsha mindettemelerin oryndamai otyr dep birneshe ret aiyptaǵan.
AQSh kongresiniń kei músheleri, olardyń qatarynda respýbikalyqtar da bar, AQSh-tyń Eýropadaǵy áskerin azaitý ulttyq múddege zaqym keltiredi jáne Reseidiń Eýropadaǵy rólin arttyrady dep eskertti.
Germaniianyń qorǵanys ministri Annegret Kramp-Karrenbaýer (hanym) qysqartý jospary Germaniianyń jeke qorǵanysynan góri NATO-nyń jalpy qorǵanysyna kóbirek ziian tigizedi dedi.
"AQSh-tyń Germaniiadaǵy áskeri NATO-nyń jalpy qaýipsizdigine qyzmet etedi, demek AQSh qaýipsizdigine de qyzmet etedi. Biz búgin osy qaǵida boiynsha jumys isteimiz” dedi ol 8 maýsymda.
AQSh pen Germaniia NATO-ny qarjylandyrýdan bólek Iran iadrolyq kelisimi, klimattyń ózgerýi jáne saýda jónindegi shyǵyndary boiynsha da daýlasyp otyr.
