اق ٷي باسشىسى دونالد ترامپ گەرمانيياداعى اقش ەسكەرٸن 25 مىڭ ساربازعا دەيٸن قىسقارتاتىنىن ايتىپ, ناتو بويىنشا ەرٸپتەس ەلدەردٸ الاڭداتىپ قويدى.
15 ماۋسىم كٷنٸ ترامپ گەرمانييانى ناتو-نى قارجىلاندىرۋ بويىنشا مٸندەتتەمەسٸن ورىنداماي وتىر دەپ ايىپتاپ, اقش ەسكەرٸنٸڭ ول ەلدە بولۋى قىمباتقا شىعىپ وتىرعانىن ايتتى.
ەۋروپا ەلدەرٸ ٸشٸندە اقش ەسكەرٸنٸڭ ەڭ ٷلكەن سانى وسى گەرمانييادا. قىسقارتۋ 9500 ساربازدىڭ ەلٸنە قايتۋىنا ەكەلەدٸ.
ٶز مەلٸمدەمەسٸندە ترامپ گەرمانييادا 52 مىڭ اقش ساربازى بار دەپ جاڭىلىستى. بۇل ساننىڭ 17 مىڭى ەسكەرگە قىزمەت ەتەتٸن بەيەسكەري ادامدار.
گەرمانييادان شىعارىلعان اقش ساربازدارىنىڭ بٸر بٶلٸگٸ پولشاعا جٸبەرٸلەدٸ, قالعانى ەلٸنە قايتادى دەپ جوسپارلانىپ وتىر.
اقش-تىڭ گەرمانيياداعى ەسكەري بازالارى ەۋروپانىڭ قاۋٸپسٸزدٸگٸن ساقتاۋعا قىزمەت ەتەدٸ جەنە اقش-تىڭ تاياۋ شىعىس پەن ازيياداعى ەسكەري وپەراتسييالارىنا قاتىسادى.
ترامپ وسىعان دەيٸن گەرمانييا مەن ەۋروپانىڭ ٶزگە ەلدەرٸن ناتو-نى قارجىلاندىرۋ بويىنشا مٸندەتتەمەلەرٸن ورىنداماي وتىر دەپ بٸرنەشە رەت ايىپتاعان.
اقش كونگرەسٸنٸڭ كەي مٷشەلەرٸ, ولاردىڭ قاتارىندا رەسپۋبيكالىقتار دا بار, اقش-تىڭ ەۋروپاداعى ەسكەرٸن ازايتۋ ۇلتتىق مٷددەگە زاقىم كەلتٸرەدٸ جەنە رەسەيدٸڭ ەۋروپاداعى رٶلٸن ارتتىرادى دەپ ەسكەرتتٸ.
گەرمانييانىڭ قورعانىس مينيسترٸ اننەگرەت كرامپ-كاررەنباۋەر (حانىم) قىسقارتۋ جوسپارى گەرمانييانىڭ جەكە قورعانىسىنان گٶرٸ ناتو-نىڭ جالپى قورعانىسىنا كٶبٸرەك زييان تيگٸزەدٸ دەدٸ.
"اقش-تىڭ گەرمانيياداعى ەسكەرٸ ناتو-نىڭ جالپى قاۋٸپسٸزدٸگٸنە قىزمەت ەتەدٸ, دەمەك اقش قاۋٸپسٸزدٸگٸنە دە قىزمەت ەتەدٸ. بٸز بٷگٸن وسى قاعيدا بويىنشا جۇمىس ٸستەيمٸز” دەدٸ ول 8 ماۋسىمدا.
اقش پەن گەرمانييا ناتو-نى قارجىلاندىرۋدان بٶلەك يران يادرولىق كەلٸسٸمٸ, كليماتتىڭ ٶزگەرۋٸ جەنە ساۋدا جٶنٸندەگٸ شىعىندارى بويىنشا دا داۋلاسىپ وتىر.
