AQSh prezidenti Donald Tramp Dúniejúzilik densaýlyq saqtaý uiymyn (DDSU) koronavirýs álemge taraǵan shaqta kóp kúsh-jigerin Qytaiǵa jumsady dep aiyptady. Prezident ol jaily Twitter-degi paraqshasynda da jazdy.
Aq úi jetekshisi máseleni qaraýǵa ýáde berip, uiymdy negizinen AQSh qarjylandyratynyn atap ótti. Tramp sonymen birge DDSU-ny qańtar aiynyń sońynda koronavirýsqa bailanysty Qytaimen áýe qatynasyn toqtatý týraly sheshimine qarsy shyqqany úshin de kinálaǵan. Prezidenttiń aitýynsha, bul sheshim kóptegen amerikalyqtardyń ómirin saqtap qalýǵa kómektesken.
Al AQSh aqparat quraldary Tramptyń koronavirýspen kúres saiasatyn synǵa alǵan. Jýrnalisterdiń jazýynsha, mamandar virýstyń taralýyna bailanysty qys kezinde qatań shara qoldanýdy suraǵan, biraq prezident kelispegen.
AQSh-ta sońǵy derek boiynsha, koronavirýs juqtyrǵandar sany 381 myńnan asqan. 12 myńǵa jýyq adam kóz jumdy. Koronavirýs kóp tabylǵan Niý-Iork shtatynda 139 myń adamnan virýs tabylǵan. Shamamen 5,5 myń adam kóz jumǵan.
