اقش پرەزيدەنتٸ دونالد ترامپ دٷنيەجٷزٸلٸك دەنساۋلىق ساقتاۋ ۇيىمىن (ددسۇ) كوروناۆيرۋس ەلەمگە تاراعان شاقتا كٶپ كٷش-جٸگەرٸن قىتايعا جۇمسادى دەپ ايىپتادى. پرەزيدەنت ول جايلى Twitter-دەگٸ پاراقشاسىندا دا جازدى.
اق ٷي جەتەكشٸسٸ مەسەلەنٸ قاراۋعا ۋەدە بەرٸپ, ۇيىمدى نەگٸزٸنەن اقش قارجىلاندىراتىنىن اتاپ ٶتتٸ. ترامپ سونىمەن بٸرگە ددسۇ-نى قاڭتار ايىنىڭ سوڭىندا كوروناۆيرۋسقا بايلانىستى قىتايمەن ەۋە قاتىناسىن توقتاتۋ تۋرالى شەشٸمٸنە قارسى شىققانى ٷشٸن دە كٸنەلاعان. پرەزيدەنتتٸڭ ايتۋىنشا, بۇل شەشٸم كٶپتەگەن امەريكالىقتاردىڭ ٶمٸرٸن ساقتاپ قالۋعا كٶمەكتەسكەن.
ال اقش اقپارات قۇرالدارى ترامپتىڭ كوروناۆيرۋسپەن كٷرەس ساياساتىن سىنعا العان. جۋرناليستەردٸڭ جازۋىنشا, ماماندار ۆيرۋستىڭ تارالۋىنا بايلانىستى قىس كەزٸندە قاتاڭ شارا قولدانۋدى سۇراعان, بٸراق پرەزيدەنت كەلٸسپەگەن.
اقش-تا سوڭعى دەرەك بويىنشا, كوروناۆيرۋس جۇقتىرعاندار سانى 381 مىڭنان اسقان. 12 مىڭعا جۋىق ادام كٶز جۇمدى. كوروناۆيرۋس كٶپ تابىلعان نيۋ-يورك شتاتىندا 139 مىڭ ادامنان ۆيرۋس تابىلعان. شامامەن 5,5 مىڭ ادام كٶز جۇمعان.
