Foto: Reuters
Eń joǵary baj salyǵy Qytai, Vetnam jáne Kambodjadan ákelinetin taýarlarǵa salyndy, dep habarlaidy Ult.kz.
Tramptyń aitýynsha, AQSh basqa elderdiń amerikalyq taýarlarǵa salǵan baj salyǵynyń jiyntyq mólsherlemesin eseptep, onyń jartysyna teń mólsherde óz bajyn engizedi. Tramp kórsetken kestege sáikes, Eýroodaqqa – 20%, Taivanǵa – 32%, Japoniiaǵa – 24%, Qazaqstanǵa – 27%, Ońtústik Afrikaǵa – 30%, Shveitsariiaǵa – 31% baj salyǵy engizildi. Ulybritaniia, Mysyr, Túrkiia, Kolýmbiia, Perý, Argentina, Chili jáne Singapýr eń tómengi bazalyq baj salyǵyn 10% mólsherinde tóleidi.
Sondai-aq Tramp baj salyǵyn nólge deiin tómendetýdiń jolyn usyndy – ol úshin ónimdi AQSh-ta óndirý qajet. Tramptyń aitýynsha, ózara baj salyǵy AQSh úshin "altyn ǵasyrǵa" ákeledi, al "jumys oryndary men zaýyttar bizdiń elge qaita oralady".
Buǵan qosa, AQSh 3 sáýirden bastap jeńil avtomobilderge, jeńil júk kólikterine jáne avtokólik bólshekterine 25% baj salyǵyn engizedi.
Aq úidiń Raýshan baǵynda sóilegen sózinde AQSh prezidenti bylai dep málimdedi:
"Men basqa elderdi kinálamaimyn. Men bul apatty teńgerimsizdikke jol bergen AQSh-tyń burynǵy prezidentterin kinálaimyn. Biz olardyń tapshylyǵyn japtyq, áskerlerine qarjy bóldik jáne búkil álemge qamqor boldyq. Bul endi aiaqtalady".
AQSh prezidentiniń pikirinshe, bul el ekonomikasynyń ósýine ákeledi. Sonymen qatar Donald Tramp elderge baj salyǵyn nólge deiin tómendetýdiń jolyn usyndy:
"Eger siz tariftik mólsherlemeńizdiń nólge teń bolǵanyn qalasańyz, óz ónimińizdi dál osy jerde, Amerikada óndirińiz".
