AQSh prezidenti Donald Tramp Efiopiia men Indoneziiadaǵy ushaq apatynan soń Boeing 737 Max 8 jáne Max 9 ushaqtarymen qatynaýǵa tyiym saldy.
Osydan keiin Boeing aktsiialarynyń baǵasy 2%-ǵa tómendegen.
Aviakompaniia prezidenttiń sheshimin qoldap, Finliandiia aviatsiialyq ákimshiligine osy jelidegi barlyq ushaqtardyń ushýyn ýaqytsha toqtata turǵany jón ekenin aitty.
«Kompaniia Boeing 737 Max qaýipsizdigine tolyqtai senimdi. Biraq amerikalyq Federaldyq aviatsiialyq ákimshiliktiń (FAA) konsýltatsiiasynan keiin Federaldy organ búkil álemdegi uzyn sany 371 Boeing 737 Max ushaǵynyń búkil flotynyń ushýyn ýaqytsha toqtata turýdy usyndy», dep habarlady Boing.
AQSh-ta Boeing 737 Max áýe kemelerin United Airlines, American Airlines jáne Southwest Airlines kompaniiasy paidalanady.
Esterińizge sala keteiik, 10 naýryzda Efiopiia aviakompaniiasy Addis-Abebadan Nairobige ushyp bara jatqan Boeing 737 Max 8 ushaǵy Efiopiia astanasynan 60 shaqyrym jerde apatqa ushyraǵan. Ushaq apatynda 35 elden 157 adam qaza tapty.
Al 2017 jyly qazan aiynyń aiaǵynda Indoneziialyq Lion Air kompaniiasynyń Boeing 737 Max 8 Djakarta áýejaiynan kóterilgennen keiin kóp uzamai Java teńizine qulaǵan bolatyn. Bortta bolǵan 189 adam qaitys bolǵan.
Efiopiiadaǵy apattan keiin kóptegen el birden Boeing 737 Max 8 reisterin toqtatty. Atap aitqanda, Eýropa aviatsiialyq qaýipsizdik agenttigi (EASA) Eýropadan ushýǵa tyiym saldy.
AQSh apattan soń Boeing 737 Max 8 ushaǵyn paidalanýdy jalǵastyrǵan sońǵy elderdiń biri bolatyn.
Sondai-aq Kanada úkimeti sársenbi kúni Boeing 737 Max 8 ushaqtaryn toqtatýǵa sheshim qabyldady. Kanadanyń úsh áýe kompaniiasy, álem boiynsha 19 memlekettiń aviakompaniialary Boeing 737 Max ushaǵyn paidalanady.
Donald Tramp pen Azamattyq aviatsiia organynyń sheshiminen keiin American Airlines jalpy sany 24 Boeing 737 Max ushaǵynyń reisterin toqtatty.
Qazir AQSh pen Kanadadan basqa, Ulybritaniia, Eýropalyq Odaq, Qytai, Avstraliia, Úndistan jáne kóptegen basqa elderde Boeing 737 Max ushaǵyn paidalanýǵa tyiym salynǵan.
AQSh-tyń ushqyshtary «Boeing 737 Max» ushaǵyn basqarý keide qiyndyq týǵyzatynyn birneshe ret málimdegeni anyqtaldy.
Qarashada amerikalyq eki ushqysh bilikke Boeing 737 Max avtopilotynyń problemalary týraly habarlaǵan.
Inspektorlar apat ornynan «qara jáshikti» tapqan. Qazir apat sebepterin anyqtaýǵa tyrysýda.
Indoneziiadaǵy Lion Air apatynan keiin, Boeing áýe kemesiniń sensorlary kemeniń ushý buryshy týraly burys derekter jazsa, ushqyshtarǵa ne isteý kerektigi jóninde nusqaýlar taratqan.
Amerikalyq ushqyshtyń aitýynsha, osydan soń kompaniia datchikterdiń durys jumys isteýine asa mán bermegen.
Saltanat ShYNÁDIL
