AQSh-tyń jańa prezidenti Donald Tramp Amerika men Meksikanyń shekarasyna úlken qabyrǵa turǵyza ala ma?
«AQSh-qa zańsyz kirgen migranttar men qylmyskerlerdi, nashaqorlardy, sondai-aq bandalyq toptyń múshelerin elden syrtqary jerge jiberýge daiyndalyp jatyrmyz. Elde qazir ondailar óte kóp, 2 million, múmkin 3 million adam bar shyǵar. Olar AQSh-ta zańsyz júr. Sondyqtan zańsyz júrgen adamdarǵa AQSh-ta oryn joq. Kónbegenin túrmege toǵytamyz», - dedi Donald Tramp CBS telearnasyna bergen suhbatynda.
Al Meksikamen arada turǵyzylatyn qabyrǵaǵa kelsek, shekaranyń keibir bólikterine qabyrǵa turǵyzylýy yqtimal, al keibir jerine symnan tor ornatylady.
Tramptyń oiynsha, eń aldymen shekara mańyn qaýipsizdendirip alý kerek. Sosyn baryp migranttardy tekserý qajet. Olardyń qanshasy elde zańsyz júr, ásirese buzaqylar men baýkespe migranttarǵa keshirim bolmaýy tiis.
Ras, Meksikamen arada qabyrǵa turǵyzý Tramptyń sailaýaldy kampaniiasynda birneshe qaitalandy jáne Donaldty jaqtaýshylardyń oiynsha, bul sailaýshylarǵa unaǵan eń jaǵymdy bastamanyń biri boldy. Qazir de sailanǵannan keiin Tramp bul oiyn oqtyn-oqtyn aityp keledi. Biraq Meksika biligi eger AQSh-pen aradaǵy shekaraǵa qabyrǵa turǵyzylatyn bolsa, oǵan el qazynasynan eshqandai qarjy bólinbeitinin aitty. Demek, bul Tramptyń ǵana ideiasy bolyp otyr.
