اقش-تىڭ جاڭا پرەزيدەنتٸ دونالد ترامپ امەريكا مەن مەكسيكانىڭ شەكاراسىنا ٷلكەن قابىرعا تۇرعىزا الا ما?
«اقش-قا زاڭسىز كٸرگەن ميگرانتتار مەن قىلمىسكەرلەردٸ, ناشاقورلاردى, سونداي-اق باندالىق توپتىڭ مٷشەلەرٸن ەلدەن سىرتقارى جەرگە جٸبەرۋگە دايىندالىپ جاتىرمىز. ەلدە قازٸر وندايلار ٶتە كٶپ, 2 ميلليون, مٷمكٸن 3 ميلليون ادام بار شىعار. ولار اقش-تا زاڭسىز جٷر. سوندىقتان زاڭسىز جٷرگەن ادامدارعا اقش-تا ورىن جوق. كٶنبەگەنٸن تٷرمەگە توعىتامىز», - دەدٸ دونالد ترامپ CBS تەلەارناسىنا بەرگەن سۇحباتىندا.
ال مەكسيكامەن ارادا تۇرعىزىلاتىن قابىرعاعا كەلسەك, شەكارانىڭ كەيبٸر بٶلٸكتەرٸنە قابىرعا تۇرعىزىلۋى ىقتيمال, ال كەيبٸر جەرٸنە سىمنان تور ورناتىلادى.
ترامپتىڭ ويىنشا, ەڭ الدىمەن شەكارا ماڭىن قاۋٸپسٸزدەندٸرٸپ الۋ كەرەك. سوسىن بارىپ ميگرانتتاردى تەكسەرۋ قاجەت. ولاردىڭ قانشاسى ەلدە زاڭسىز جٷر, ەسٸرەسە بۇزاقىلار مەن باۋكەسپە ميگرانتتارعا كەشٸرٸم بولماۋى تيٸس.
راس, مەكسيكامەن ارادا قابىرعا تۇرعىزۋ ترامپتىڭ سايلاۋالدى كامپانيياسىندا بٸرنەشە قايتالاندى جەنە دونالدتى جاقتاۋشىلاردىڭ ويىنشا, بۇل سايلاۋشىلارعا ۇناعان ەڭ جاعىمدى باستامانىڭ بٸرٸ بولدى. قازٸر دە سايلانعاننان كەيٸن ترامپ بۇل ويىن وقتىن-وقتىن ايتىپ كەلەدٸ. بٸراق مەكسيكا بيلٸگٸ ەگەر اقش-پەن اراداعى شەكاراعا قابىرعا تۇرعىزىلاتىن بولسا, وعان ەل قازىناسىنان ەشقانداي قارجى بٶلٸنبەيتٸنٸن ايتتى. دەمەك, بۇل ترامپتىڭ عانا يدەياسى بولىپ وتىر.
