Foto: Realestate: Facebook
Donald Tramp AQSh prezidenti qyzmetine resmi túrde kiristi. Ol Aq úidegi alǵashqy jumys kúninde shamamen 100 jarlyqqa qol qoidy, dep habarlaidy Ult.kz.
Munymen ol jaqtastaryna bergen ýádelerin oryndap, sailaýaldy baǵdarlamasyn oryndaýǵa kirisken. Buǵan deiingi prezident Djo Baiden alǵashqy kúninde nebári 17 jarlyqqa ǵana qol qoiǵan edi. Mine, Tramp qol qoiǵan mańyzdy qujattardyń negizgi tarmaqtary mynalar:
Tramp AQSh pen Meksika shekarasynda jalpyulttyq tótenshe jaǵdai engizetinin jariialady. Ol meksikalyq esirtki kartelderin terroristik uiymdar dep taný jáne eldiń ońtústik shekarasyna ásker jiberý týraly sheshim qabyldady.
Energetikalyq qaýipsizdikti nyǵaitý maqsatynda energetika salasynda tótenshe jaǵdai rejimin engizý jarlyǵy qabyldandy.
Prezident ádilet júiesin saiasattandyrýǵa qarsy kúres júrgizip, ádilettilikti qalpyna keltirýdi kózdeitinin aitty.
Sóz bostandyǵyn qorǵap, memlekettik tsenzýrany toqtatatyny týraly málimdedi. Osy maqsatta arnaiy jarlyqqa qol qoidy.
Jańa prezidenttiń aitýynsha, AQSh-ta resmi túrde tek eki jynys — er men áiel ǵana moiyndalady.
Tramp ózin «beibitshilik ornatýshy» dep atady jáne álemdegi eń qýatty armiiany qurýǵa ýáde berdi. Onyń aitýynsha, AQSh áskeri jetistikteri tek jeńistermen ǵana emes, soǵystardy boldyrmaý arqyly da ólshenedi.
Sonymen qatar, ol AQSh týyn Marsqa tigýdi jáne Panama kanalyn qaita baqylaýǵa alýdy josparlap otyrǵanyn jetkizdi. Meksika shyǵanaǵynyń ataýyn «Amerikalyq shyǵanaq» dep ózgertýdi de usyndy.
«Biz buryn-sońdy ishki daǵdarystardy eńsere almaǵan álsiz úkimetti bastan keshirdik. Biraq búginnen bastap bári ózgeredi. Qudai meni Amerikaǵa qaitadan ulylyǵyn qaitarý úshin saqtap qaldy. Bizdiń altyn dáýir endi bastalady», — dep málimdedi.
.jpg)
