AQSh Prezidenti Donald Tramp elde esirtkige bailanysty tótenshe jaǵdai jariialaýǵa nietti ekenin málimdedi, dep habarlaidy Baq.kz aqparat agenttigi RIA Novostige silteme jasap.
«Kelesi aptada esirtkige bailanysty tótenshe jaǵdai jariialaýǵa niet bildirip otyrmyn. Jaǵdai óte qiyn», - dedi ol Fox Business telearnasyna bergen suhbatynda.
Onyń aitýynsha, Meksikamen shekarada qorǵan salý AQSh-qa esirtki tasymaldaý problemasyn da sheshedi.
Tramp zańsyz immigratsiiadan qorǵaný úshin Meksikamen shekarada qorǵan salýǵa ýáde berdi. Tamyzda AQSh prezidenti Meksikany qorǵandy qarjylandyrýǵa májbúrleitinin qaitalaǵan bolatyn. Onyń pikirinshe, bul bastama Meksikadan importtalatyn esirtkini shektep, qylmysty joiýǵa septigin tigizedi.
Sońǵy 25 jylda AQSh-ta jasandy opiattardy (apiynnyń esirtkilik alkaloidi) qoldaný shamamen úsh ese artqan, jyl saiyn 200 millionnan astam retsepti shyǵarylady eken.
2014 jyldaǵy málimet boiynsha, AQSh-ta eki millionnan astam adam sintetikalyq opiattarǵa táýeldi eken, bul geroin qoldanatyndardan 5 ese kóp.
Jylyna opiattardan 100 myń adam kóz jumady, geroinge qaraǵanda meditsinalyq preparattardy shamadan tys qoldanýdan óletinder kóp.
Tamyzda Tramp opiattarǵa táýeldilikpen kúres jóninde keńes ótkizip, profilaktikaǵa mán berý kerek ekenin aitty.
