Donald Tramp jýrnalisterge Siriiadaǵy AQSh jáne Resei áskerileri arasynda qaqtyǵys bolǵanyn aitty, dep jazdy RIA Novosti.
"Biz bul týraly biraz ýaqyt buryn aittyq, taiaýda, bir ai buryn Siriiada bizdiń áskerler men Resei áskerleri arasynda úlken qaqtyǵys boldy. Óte qaiǵyly jaǵdai. Bul aiqasta kóp adam qaza boldy", — dep málimdedi AQSh basshysy premer-ministr Sindzo Abemen kelissózderdiń qorytyndysy boiynsha ótken baspasóz konferentsiiasynda.
Aqpanda keibir batystyq BAQ Siriia úkimettik áskerleri koalitsiia kúshteriniń soqqysynan reseilik áskeriler qaza bolǵanyn habarlaǵan bolatyn, degenmen Pentagondaǵylar reseilikterdiń qaza tapqanyn rastai almady.
Reseidiń syrtqy ister ministrligi amerikalyq áskerler Resei áskerilerin óltirgenin joqqa shyǵaryp, jalǵan aqparat taraǵanyn málimdedi. Sonymen qatar, áskeri qaqtyǵystar barysynda Resei jáne TMD elderiniń azamattary qaza taýyp, jaraqat alǵanyn, alaida olardyń arasynda áskeri qyzmetkerler bolmaǵanyn atap ótti.
