AQSh prezidenti Donald Tramp koronavirýsqa bailanysty Eýropamen keme qatynasy jáne aviatasymaldaýdy 30 kúnge toqtatatynyn habarlady. Shekteý sharasy juma, 13 naýryzda tún jarymynda kúshine enedi. Onyń aitýynsha, "qatań, biraq qajetti sharalardyń" Ulybritaniiaǵa ǵana qatysy joq.
"Aldaǵy 30 kún Eýropamen barlyq qatynasty toqtatamyz. Jańa ereje juma kúni túnde kúshine enedi. Bul shekteýler jaǵdaiǵa qarai ózgerip otyrady" dedi Tramp.
Bul tyiym Eýropadan keletin júk tasymalyna da qatysty.
Prezident Tramp 11 naýryz kúngi málimdemesinde Eýropa elderiniń biligin virýstyń taralýymen qajetti dárejede kúrespedi dep synady. Onyń aitýynsha, birneshe AQSh turǵynyna Eýropadan kelgenderden virýs juqqan.
Prezident Tramp federaldy bilik virýs tarap jatqan qalalar men eldi mekenderge kómektesýge daiyn ekenin jetkizdi. Ekonomikany qoldaý úshin amerikalyqtarǵa salyq jaǵynan jeńildik jasaý týraly kongreske usynys túsiretinin de aitty. Ókilder palatasynyń spikeri Nensi Pelosi elde koronavirýs boiynsha tegin synaq ótkizip, karantinniń kesirinen jumystan qalýǵa májbúr bolǵan azamattarǵa járdemaqy tóleý týraly jospar usyndy.
Tramptyń málimdemesinen keiin Gollivýd akterlarynyń biri Tom Henks pen áieline koronavirýs juqqany da belgili boldy. Olar qazir Avstraliiada júr.
AQSh-ta virýsty juqtyrǵandar sany 1200-den asty. Álemde 118 000 adamnan virýs tabylǵan.
