اقش پرەزيدەنتٸ دونالد ترامپ كوروناۆيرۋسقا بايلانىستى ەۋروپامەن كەمە قاتىناسى جەنە اۆياتاسىمالداۋدى 30 كٷنگە توقتاتاتىنىن حابارلادى. شەكتەۋ شاراسى جۇما, 13 ناۋرىزدا تٷن جارىمىندا كٷشٸنە ەنەدٸ. ونىڭ ايتۋىنشا, "قاتاڭ, بٸراق قاجەتتٸ شارالاردىڭ" ۇلىبريتانيياعا عانا قاتىسى جوق.
"الداعى 30 كٷن ەۋروپامەن بارلىق قاتىناستى توقتاتامىز. جاڭا ەرەجە جۇما كٷنٸ تٷندە كٷشٸنە ەنەدٸ. بۇل شەكتەۋلەر جاعدايعا قاراي ٶزگەرٸپ وتىرادى" دەدٸ ترامپ.
بۇل تىيىم ەۋروپادان كەلەتٸن جٷك تاسىمالىنا دا قاتىستى.
پرەزيدەنت ترامپ 11 ناۋرىز كٷنگٸ مەلٸمدەمەسٸندە ەۋروپا ەلدەرٸنٸڭ بيلٸگٸن ۆيرۋستىڭ تارالۋىمەن قاجەتتٸ دەرەجەدە كٷرەسپەدٸ دەپ سىنادى. ونىڭ ايتۋىنشا, بٸرنەشە اقش تۇرعىنىنا ەۋروپادان كەلگەندەردەن ۆيرۋس جۇققان.
پرەزيدەنت ترامپ فەدەرالدى بيلٸك ۆيرۋس تاراپ جاتقان قالالار مەن ەلدٸ مەكەندەرگە كٶمەكتەسۋگە دايىن ەكەنٸن جەتكٸزدٸ. ەكونوميكانى قولداۋ ٷشٸن امەريكالىقتارعا سالىق جاعىنان جەڭٸلدٸك جاساۋ تۋرالى كونگرەسكە ۇسىنىس تٷسٸرەتٸنٸن دە ايتتى. ٶكٸلدەر پالاتاسىنىڭ سپيكەرٸ نەنسي پەلوسي ەلدە كوروناۆيرۋس بويىنشا تەگٸن سىناق ٶتكٸزٸپ, كارانتيننٸڭ كەسٸرٸنەن جۇمىستان قالۋعا مەجبٷر بولعان ازاماتتارعا جەردەماقى تٶلەۋ تۋرالى جوسپار ۇسىندى.
ترامپتىڭ مەلٸمدەمەسٸنەن كەيٸن گولليۆۋد اكتەرلارىنىڭ بٸرٸ توم حەنكس پەن ەيەلٸنە كوروناۆيرۋس جۇققانى دا بەلگٸلٸ بولدى. ولار قازٸر اۆسترالييادا جٷر.
اقش-تا ۆيرۋستى جۇقتىرعاندار سانى 1200-دەن استى. ەلەمدە 118 000 ادامنان ۆيرۋس تابىلعان.
