Qazaqstanda júk kólikterin tapsyratyndarǵa aqshalai ótemaqy beriledi, dep habarlaidy "Ult aqparat" «ÓKM operatory» kompaniiasynyń baspasóz qyzmetine silteme jasap.
12 qazannan bastap «ÓKM Operatory» Indýstriia jáne infraqurylymdyq damý, Ekologiia, geologiia jáne tabiǵi resýrstar ministrliginiń kelisimimen eski kólikterdi qaita óńdeýge qabyldaý baǵdarlamasyna ózgeris engizdi. Budan bylai tozyǵy jetken júk jáne jolaýshylar kóligin tapsyratyndarǵa da aqshalai ótemaqy beriledi.
«Beriletin aqsha tapsyrylatyn kólikterdiń sanatyna bailanysty ailyq eseptik kórsetkish (AEK) boiynsha baǵalanady. Aitalyq M2, N1 (salmaǵy 1,3 tonnadan kem kólik quralyn qospaǵanda) jáne N2 sanatyndaǵy kólik quraldaryna 144 AEK (400 032 teńge) beriledi. Osy sanattaǵy tolyq emes jiyntyqtaǵy kólikterge 126 AEK (350 028 teńge) tólenedi. Aýyr salmaqtaǵy júk kólikteri (M3, N3 sanaty) 600 myń teńgeden (216 AEK) 550 myń teńgege (198 AEK) deiin baǵalanady», delingen habarlamada.
Kólik tapsyrǵandarǵa 2 kún ishinde banktegi shotyna aqsha aýdarylady. Aita ketý kerek kólikti jeńildik sertifikatyna almastyrý baǵdarlamasy ýaqytsha toqtatylady.
Esterińizge salaiyq isten shyqqan kólikti qaita óńdeýge qabyldaý baǵdarlamasy iske qosylǵannan beri Qazaqstan boiynsha 150 myńǵa jýyq kólik joiýǵa tapsyryldy. Onyń ishinde 2 596-sy ortasha tehnika, 600-ge jýyq aýyr salmaqtaǵy kólik bar. Qabyldanǵan barlyq mashina Qaraǵandydaǵy eski kólikterdi qaita óńdeitin zaýytqa jiberiledi.
