قازاقستاندا جٷك كٶلٸكتەرٸن تاپسىراتىندارعا اقشالاي ٶتەماقى بەرٸلەدٸ, دەپ حابارلايدى "ۇلت اقپارات" «ٶكم وپەراتورى» كومپانيياسىنىڭ باسپاسٶز قىزمەتٸنە سٸلتەمە جاساپ.
12 قازاننان باستاپ «ٶكم وپەراتورى» يندۋسترييا جەنە ينفراقۇرىلىمدىق دامۋ, ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ كەلٸسٸمٸمەن ەسكٸ كٶلٸكتەردٸ قايتا ٶڭدەۋگە قابىلداۋ باعدارلاماسىنا ٶزگەرٸس ەنگٸزدٸ. بۇدان بىلاي توزىعى جەتكەن جٷك جەنە جولاۋشىلار كٶلٸگٸن تاپسىراتىندارعا دا اقشالاي ٶتەماقى بەرٸلەدٸ.
«بەرٸلەتٸن اقشا تاپسىرىلاتىن كٶلٸكتەردٸڭ ساناتىنا بايلانىستى ايلىق ەسەپتٸك كٶرسەتكٸش (اەك) بويىنشا باعالانادى. ايتالىق م2, N1 (سالماعى 1,3 توننادان كەم كٶلٸك قۇرالىن قوسپاعاندا) جەنە N2 ساناتىنداعى كٶلٸك قۇرالدارىنا 144 اەك (400 032 تەڭگە) بەرٸلەدٸ. وسى ساناتتاعى تولىق ەمەس جيىنتىقتاعى كٶلٸكتەرگە 126 اەك (350 028 تەڭگە) تٶلەنەدٸ. اۋىر سالماقتاعى جٷك كٶلٸكتەرٸ (م3, N3 ساناتى) 600 مىڭ تەڭگەدەن (216 اەك) 550 مىڭ تەڭگەگە (198 اەك) دەيٸن باعالانادى», دەلٸنگەن حابارلامادا.
كٶلٸك تاپسىرعاندارعا 2 كٷن ٸشٸندە بانكتەگٸ شوتىنا اقشا اۋدارىلادى. ايتا كەتۋ كەرەك كٶلٸكتٸ جەڭٸلدٸك سەرتيفيكاتىنا الماستىرۋ باعدارلاماسى ۋاقىتشا توقتاتىلادى.
ەستەرٸڭٸزگە سالايىق ٸستەن شىققان كٶلٸكتٸ قايتا ٶڭدەۋگە قابىلداۋ باعدارلاماسى ٸسكە قوسىلعاننان بەرٸ قازاقستان بويىنشا 150 مىڭعا جۋىق كٶلٸك جويۋعا تاپسىرىلدى. ونىڭ ٸشٸندە 2 596-سى ورتاشا تەحنيكا, 600-گە جۋىق اۋىر سالماقتاعى كٶلٸك بار. قابىلدانعان بارلىق ماشينا قاراعاندىداعى ەسكٸ كٶلٸكتەردٸ قايتا ٶڭدەيتٸن زاۋىتقا جٸبەرٸلەدٸ.
